МЗТ Скопје и Куманово ќе играат во финалето за титулата во кошаркарското првенство, ова е епилогот по вторите натпревари во плеј офот одиграни во Куманово и Кавадарци. Куманово го совлада Работнички со 85-71, и заслужено се пласираше во финалето.
Куманово водеше во текот на целиот натпревар во еден момент и со 24 поени разлика. Најефикасен кај победничката екипа Урош Луковиќ кој натпреварот го заврши со 22 поени и седум скока.
МЗТ Скопје ја оправда фаворитскта улога против Фени Индустри во Кавадарци со резултат 64-75. Александар Чапин со 22 поени беше најзаслужен за вечерашниот триумф, Мијатовиќ постигна 14, а Синовец 13 поени за победничкиот тим.
Финалната серија меѓу МЗТ Скопје и Куманово ќе почне во петок , а првиот меч ќе се игра во СЦ „Јане Сандански“.