Две победи оствари најдобрата македонска тенисерка на денешните мечеви на фјучрсот во Хрватска и успеа да се пласира во финалето на двојки, како и во полуфиналето во поединечна конкуренција на фјучрсот во Хрватска, што се игра во Бол. Откако претпладнево во четвртфиналето ја совлата Џулиета Лара Естабле (Аргентина) со 2:0 во сетови, попладнево во двојки со Кристина Шаковец ги победија Маријана Дражиќ (Хрватска) и Тереза Клајнштебер (Германија).
Во двата сета во полуфиналето во двојки Ѓорческа и Шаковец беа подобри со 6:3 во гемови. Утре во финалето ќе играат против победничките во второто полуфинале. Ѓорческа на третиот фјучрс по ред во Хрватска, вторпат ќе игра во финале на двојки, а на првиот турнир заедно со Тена Лукас од Хрватска и беа победнички.
Токму хрватската тенисерка Лукас ќе и биде противничка во утрешното полуфинале во поединечна конкуренција.