САД планираат да му достават на Ирак илјада противтенковски ракети за да им помогнат на ирачките власти во борбата против џихадистите од Исламска држава, пишува весникот „Њујорк тајмс“.
Според информациите на весникот тоа оружје е наменето за операции во кои ирачките војници ќе уништуваат автомобили, наполнети со експлозиви и управувани од бомбаши-самоубијци.
Исламската групација често пати користи автомобили-бомби во своите напади. ИД ја употреби оваа тактика и во преземањето деновиве на Рамади, главен град на западната ирачка провинција Анбар.
Се очекува американските ракети во Багдад да пристигнат на почетокот на јуни.