Македонската тенисерка Лина Ѓорческа оствари убедлива победа во рамките на второто коло на фјучрсот во Хрватска, што се игра во Бол. Таа загуби само еден гем во мечот со Даниела Фарфан од Аргентина – 6:0 и 6:1 во гемови.
Во четвртфиналето Ѓорческа ќе игра со подобрата од мечот Жулиета Естабле (Аргентина) и Нивес Бариќ (Хрватска).
Нашата тенисерка попладнево ќе игра и мечот во двојки со Германката Даниела Шаковец против Аргентинките Фарфан – Гоби Монлау.
На истиот турнир во второто коло кај мажите ќе настапи и нашиот тенисер Стефан Мицов, кој за ривал го има Хрватот Дино Марцан (8.носител).
д другите македонски тенисери на фјучрсот во Приедор Бесир Дургути загуби во првото коло од Борут Пуц со 6:2 и 7:5 во сетови.