Генералниот секретар на ОН, Бан Ки-мун најави дека ќе ја посети Северна Кореја, доколку неговата посета биде прифатена од сите засегнати страни.
Бан вчера пристигна во Јужна Кореја каде ќе присуствува на Светскиот образовен форум за 2015 година, што ќе се одржи во пристанишниот град Инчеон.
Северна Кореја е под остри санкции од ОН, САД и ЕУ поради серија ракетни проби и својата програма за производство на нуклеарно оружје.
Бан неделава ќе го посети и меѓукорејскиот индустриски комплек во севернокорејскиот пограничен град Каесонг, соопшти министерството за надворешни работи во Сеул.
Генералниот секретар ќе го посети комплексот, што претставува симбол на меѓукорејско помирување, в четврток. Тој е првиот лидер на ОН што ќе го посети комплексот од неговото отворање во 2004 година.