Провладините медиуми го измонтираа говорот на Зоран Заев со кадри од просторот пред Влада пред да започне протестот за да покажат наводна слаба посетеност на сенародниот собир.
Медиумите шпекулираат со бројот на присутни граѓани, иако за време на говорите беа преполни просторот пред владата, булеварот Климент Охридски и целиот простор кај поштата.
Провладините медиуми, масовниот собир се обидуваат со монтажи да го прикажат како фијаско, и со недозволена манипулација монтирале кадри од Илинденска кои се снимени во 12 часот, односно 2 часа пред почетокот на митингот или 4 часа пред да говори Заев.
За споредба фотографиите во прилог покажуваат како изгледаше булеварот додека лидерот на СДСМ зборуваше од говорница.
Дополнително, дописници на одредени странски медиуми и агенции, а кои работат овде во провладини медиуми, јавија дека на протестот имало само 20.000 граѓани, иако таа бројка беше многу поголема.