Поранешниот српски претседател Борис Тадиќ и хрватскиот претседател Иво Јосиповиќ во вторник во Европскиот парламент ќе бидат одликувани со Европски медал на толеранцијата. како признание за нивниот “придонес кон толеранцијата, чесноста, моралната храброст и помирување” во Европа.
Медалите им се доделуваат на Тадиќ и Јосиповиќ,од страна на Европскиот совет на толеранција и помирување, на чие чело е поранешниот полски претседател Александар Квашњевски.
Церемонијата во Европскиот парламент ќе ја отвори нејзиниот претседател Мартин Шулц.
Прв пат медалот му беше доделен на кралот на Шпанија Хуан Карлос, за постојаните заложби за толеранција и политичко помирување.