Мијалков и Јанкулоска коваат план како да го средат еден вработен во МВР затоа што излегол на митинг на Љубе Бошкоски, рече лидерот на СДСМ, Зоран Заев и објави снимка за која рече дека е помеѓу досегашната министерка за внатрешни работи и Сашо Мијалков.
-Мијалков бара вработениот да се понижи и да се премести во аналитика во Арачиново, а Јанкулоска предлага дека може ќе го понижи и ќе го премести во возен парк.
Разговор помеѓу Гордана Јанкулоска и Сашо Мијалков
СМ: Абе знаеш зашо ти се јавив тебе за тој еден што бил кај ЉУбе му го заборавив името
ГЈ: Тој што ми го кажа за прекршоци тогаш
СМ: Да, бил на протестите за Љубе
ГЈ: Епа супер дај некако да го избркаме оти ја не му дадов решение тогаш, фактички он е нераспореден у моментот, јас чекав знаеш да поминат избориве да не има уште некој да покаже
СМ: Александар така
ГЈ: Така некако Александар Панов ли така некако беше знам кој е, тогаш одма го тргнав настрана решението и чекав да завршат избориве да види
СМ: Однеси го некаде кој знае каде
ГЈ: Супер ќе му најдеме некое место….
СМ: Полошо да нема на протестите ја во очи го видов
ГЈ: Некоја аналитика во ПС Арачиново за да нема полициско овластување да зима помала плата
СМ: Е така
ГЈ: Ееее за такви…или пак шофер ќе го ставам у возен парк
СМ: Е така, така супер
ГЈ: такво некое понижувачко место
СМ: Абе шофер да биде не тука во мрвр да биде некаде маргинално или аналитика у арачиново тоа може уште подобро
ГЈ: Такво некое битно е сега ние да не го….
СМ: Шофер знаеш како, шофер ќе може да искочи ваздух да зема, а вака аналитика у Арачиново….
ГЈ: Поарно ќе треба да иде на работа
СМ: Ќе треба да иде на работа
ГЈ: Ќе го решиме немај гајле за тоа не му ни потпишувам
СМ: А за другите работи ќе те побарам јас сакам да дојдам систематизацијата да ја потпишеме више стана историска, тоа не е до тебе до мене е ама….
ГЈ: Јас сакам да ти кажам ама викам ај да не запињам
СМ: Гужви и така
ГЈ: Да де да добро штом до тука сме стасале ќе го решиме не е проблем
СМ: Ок
ГЈ: Ок важи немај гајле
СМ: Ќе се чуеме да не го заборавиш
ГЈ: Не, не го заборавам тргнат ми е уште од пред изборите и сега таман причина повеќе поубаво место да му најдеме
СМ: Добро ајде
ГЈ: Ајде