Најдобриот тенисер на светот Новак Ѓоковиќ по голема борба со Томаш Белучи успеа да избори четвртфинале на Мастерсот во Рим. По загубениот прв сет со 7:5 во гемови, Ѓоковиќ ги доби следните два со 6:2 и 6:3, но мораше да вложи многу напор за да стигне до триумф. Тој денеска во четвртфиналето ќе игра против Кеи Нишикори.
Според „костурот“ во четвртфиналето играат уште: Давид Гофин – Давид Ферер, Рожер Федерер – Томаш Бердих и Рафаел Надал – Стан Вавринка.
На женскиот дел од турнирот во четвртфиналето двојките се: Александра Дулгеру – Симона Халеп, Марија Шарапова – Викторија Азаренка, Карла Санчез Наваро – Петра Квитова и Кристина Мек Хејл – Дарија Гаврилова.