Откако на Никола Груевски му стана јасно дека неговото заминување граѓаните го гледаат како државен приоритет за иднината на Македонија, се обидува со разни сценарија и провокации да ги сврти граѓаните едни против други.
Во секоја минимум демократска држава граѓаните имаат легитимно право да го изразат своето незадоволство од власта. Но, недемократската матрица на Никола Груевски и немањето капацитет да ја разбере суштината на поимите демократија, слобода, право на слободно изразување и право на слободен говор, се обидува да ги конфронтира граѓаните едни со други.
Организирањето на контра протести е метод на Никола Груевски кој граѓаните го препознаваат. Кога на Груевски му е потребно одвлекување на вниманието на јавноста од незадоволството кај граѓаните поради неговото криминално владеење секогаш организира контра протести. Дури, под диктат и нарачка на Груевски се случи да протестираат и автобуси.
Социјалдемократскиот сојуз на Македонија повикува граѓаните да не наседнуваат на манипулациите на Никола Груевски и на тој начин да му покажат дека целосно е прочитан и неговото црно сценарио нема да успее.
Решително, мирно, достоинствено и масовно, во недела, на 17-ти, граѓаните на Македонија ќе му ја испратат пораката на Груевски дека мора да си замине.