На денешната прес конференција лидерот на СДСм Зоран Заев одговарајќи на новинарски прашања рече дека граѓаните знаат зошто опозицијата е надвор од парламентот.
„Овој парламентарен состав е нелегитимен, опозицијата ќе се врати во парламентот по оставката на Никола Груевски за да ја дефинираме преодната влада. Оставките се од првите и најверни соработници на Никола Груевски, но тие се само чекор кон враќање на демократијата. Претпоследниот чекор е оставката на Груевски, а последниот, целосна демократизација на институциите и враќање на слободата и демократијата“, рече Заев.
Тој посочи дека е јасно дека прислушкувањето е од МВР, дека Груевски е тој што ги координирал сите активности.
Заев рече дека се прекинати разговорите во Брисел, но она што мора да се направи е судтсвото да се растерети од валканите канџи на политиката.