Германскиот град Берлин ќе биде домаќин на завршниот турнир во кошаркарската Евролига во 2016 година.
Оваа одлука денеска ја донесе бордот на директори на елитното натпреварување.
Натпреварите ќе се играат во арената „Мерцедес“ каде настапува Алба.
Вторпат Берлин е домаќин на четирите најдобри екипи во Евролигата. Претходно тоа беше во 2009 година кога Панатинаикос стана европски шампион.