Во Националната универзитетска библиотека „Свети Климент Охридски“ – Скопје денеска беше отворена изложбата „Победата над фашизмот. Како се постигна”, во организација на Руската амбасада.
Амбасадорот на Русија во Македонија Олег Шчербаг на оворањето на изложбата истакна дека таа претставува почит и спомен кон сите учесници во борбата против фашистите за слободата на човештвото.
– Поголемиот дел на фотографии и документи се посветени на општеството на Советскиот сојуз од втората светска војна. Историската вистина е тоа што народите на Советскиот сојуз го носеле најглавниот товар во борбата против Хитлеровата Германија, нагласи Шчербаг.
Во борбата против фашизмот, рече Шчербаг, се приклучија повеќе народи меѓу кои и македонскиот народ. Подвигот на сојузниците во борбата против фашизмот, потенцира Шчербаг, засекогаш ќе остане во благодарната меморија на сите Руси.
На изложбата беше презентиран документарен филм снимен 1943 година кој, како што кажа организаторот, потполно ја отсликува таа атмосфера која била во заедничката битка против фашизмот.