Основачот и почесен претседател на француската крајнодесничарска партија Национален фронт, Жан-Мари ле Пен, вчера беше исклучен од партијата, пренесоа француските медиуми, цитирајќи ја Марин ле Пен, неговата ќерка и актуелен партиски лидер.
Ова отстранување на основачот на Национален фронт беше одлучено на седницата на извршното биро на движењето, за да го казни заради неговите нови полемички изјави за имиграцијата и Холокаустот, од кои Марин ле Пен се огради.