Претседателот Ѓорге Иванов упати честитка до граѓаните на Македонија по повод Денот на народното востание, истакнувајќи дека прославата на 11 Октомври е уште една можност да се присетиме и да им се заблагодариме на сите знајни и незнајни херои од НОБ, кои ги дадоа своите животи за слободата на земјава.
„Благодарение на нив денес можеме слободни, свои на своето, сами да ја градиме и да решаваме за својата иднина. На овој светол празник уште еднаш да се потсетиме дека Македонија била, е и секогаш ќе биде на страната на прогресот, демократијата и слободата. Оттука, нашето членство и припадноста во евроатлантските структури, како репери на денешниот напреден свет е сосема природно и заслужено“, пишува во честитката на Иванов.