Градоначалникот на Општина Центар, Андреј Жерновски, денеска го оствари своето загарантирано право и гласаше на референдумот на локално ниво.
„Ова е вистински празник за демократијата, сигурен сум дека граѓаните ќе ја разберат симболиката на овој референдум. По ова во Република Македонија ќе се спроведуваат повеќе референдуми бидејќи тоа е најдемократскиот облик на непосредно одлучување на граѓаните“, рече Жерновски.
