Најмалку 27 луѓе загинаа во денешните борби меѓу шиитските бунтовници Хути и силите лојални на претседателот Абу Раби Мансур Хади, во јужниот дел на Јемен.
Најмалку четворица приврзаници на Хади и шестмина Хути загинаа во судирите во градот Далех, северно од Аден, додека уште осум бунтовници се убиени во заседа.
Силите лојални на претседателот Хади, кој е во егзил во Саудиска Арабија, убија девет бунтовници во градот Лодер.
И во Аден има судири, а авиони на коалициските сили предводени од Саудиска Арабија продолжија да бомбардираат цели на бунтовниците и покрај тоа што во вторникот најавија прекин на воената кампања.
Светската здравствена организација вчера соопшти дека над илјада луѓе од кои 50 деца загинале од почетокот на судирите во Јемен. Меѓу загинатите 28 се жени, а повредени се над 4.350 лица.