Танкерот „Сунион“, кој беше нападнат во средата во Црвеното Море, претрпе голема експлозија, соопшти британската канцеларија за поморски трговски операции (УКМТО).
Екипажот на танкерот беше евакуиран ден претходно, а претходните напади на танкерот, исто како и вчерашната огромна експлозија, им се припишуваат на јеменските исламистички милитанти, Хутите.
Сунион носи 150.000 тони сурова нафта. Доколку нафтата од танкерот што се уште плови заврши во Црвеното Море, тоа ќе биде еколошка катастрофа.
Video allegedly showing the MT Sounion exploding and on fire in the Red Sea. The tanker is carrying 150,000 metric tons of oil. A full release of the cargo would make it one of the worst tanker oil spills in history pic.twitter.com/470pc3OQjj
— Mike Schuler (@MikeSchuler) August 23, 2024
„Бродот припаѓа на компанија која има врски со израелскиот непријател и ја прекршила одлуката за забрана за влез во пристаништата на окупирана Палестина“, рече воениот портпарол на Хутите Јахја Сари во говорот емитуван на јеменската телевизија.
Хутите, кои ги контролираат најнаселените региони во Јемен, во четвртокот признаа дека го нападнале танкерот со нафта „Сунион“ во Црвеното Море еден ден претходно. Исламистичката група, која е поддржана од Иран, со месеци напаѓа бродови, како што тврдат, во знак на солидарност со Палестинците во војната меѓу Израел и Хамас во Газа.