Под мотото „Еднакви можности за сите“ денеска ќе се одржи деветтиот семеен базар во Меѓународното училиште „Нова“.
Целта е да се соберат средства наменети за Заводот за ментално здравје на деца и младинци (ЗМЗДМ) „Младост“ – Здравствен дом Скопје и за активностите на учениците во училиштето.
Семејствата на учениците од меѓународното училиште „Нова“, нивните гости, припадници на бизнис-заедницата од Македонија, амбасадори и членови на дипломатскиот кор кои живеат и работат во земјава, на базарот ќе подготвуваат јадења, ќе продаваат сувенири од своите матични држави и ќе донираат подароци за лотаријата.
Овој хуманитарен базар под мотото „Еднакви можности за сите деца“ е организиран од Здружението на родители и наставници при меѓународното училиште „Нова“, со поддршка од учениците, родителите и професорите во оваа образовна институција.