Либерелно-демократската партија ги повикува граѓаните на Општина Центар во недела, на 26 април, да излезат и да гласаат на референдумот „За зачувување на автентичниот изглед на ГТЦ“.
Во оваа хаотична и драматична ситуација во која се наоѓа Македонија, ЛДП ги охрабруваме сите жители на Општина Центар, без оглед на нивната политичка определба, да гласаат ЗА референдумот, бидејќи тој е впрочем и глас против владиното лудило на трошењето народни пари за лични цели.
ЛДП, го охрабрува и градоначалникот на општина Центар, Андреј Жерновски, без разлика на исходот од референдумот, за кој силно веруваме дека ќе биде позитивен, да продолжи со битката за ГТЦ, во овие вонредни услови во кои се наоѓа државата. Во оваа битка само целта е важна.
ЛДП како партија смета дека не постојат реални услови за оддржување на референдумот поради нарушената легитимност на целиот изборен процес. Покрај целосно узурпираните институции, кои служат за остварување на лични цели на врхушката на власт, главен проблем на ГТЦ е неговиот статус, не е прогласен за споменик на културата. Националниот конзерваторски центар одговори негативно и на последниот обид за негова итна валоризација. Тоа е уште една потврда на веќе познатата и трагична ситуација на суштинската нелегитимност на надлежните институции во Р.Македонија.