Францускиот Сенат одлучи супермаркетите да донираат непродадена храна на хуманитарни асоцијации, јавија француски медиуми.
Одлуката на сенаторите овозможува супермаркетите со површина над илјада квадратни метри да организираат собирање на непродадена, но погодна за употреба храна и давање на различни асоцијации за помош во храна.
За да влезе во сила, текстот треба да биде изгласан и во Националното собрание.
– Секој ден супермаркетите фрлаат меѓу 20 и 40 килограми храна додека во Франција има луѓе кои не може да се прехранат поради недостиг од пари, нагласи сенаторката Натали Гуле.