Скопскиот кошаркарски клуб Работнички денеска информира дека доставил соопштение до Кошаркашката федерација на РМ дека нема да го одигра натпреварот против КК Карпош Соколи 2000 од Скопје закажан за утре.
-Споре Работнички, во изминатиот период биле донесени повеќе дискутабилни одлуки под сомнителни околности од страна на Кошаркашката федерација на РМ и за нив неразбирливи основи, меѓу кои и прифаќањето на КК Карпош Соколи да биде дел од највисокиот степен на натпревари на национално ниво.
– Како последица на противзаконската одлука Карпош Соколи да биде прифатен во највисоката лига, закажан е натпревар помеѓу КК Работнички АД Скопје против КК Карпош Соколи на сосема нелегитимен начин и покрај тоа што нелегитимното вклучување на овој клуб во највисоката лига е констатиран и со Одлука за несообразност на КК Карпош Соколи 2000 со Законот за спорт, донесена од страна на претседателот на МКФ на ден 30.03.2015 година.Од таа причина, како и врз основа на нејасните околности, Ве известуваме дека КК Работнички под ниедни околности нема да се согласи да постапува спротивно на позитивните законски прописи, со што ставот на КК Работнички е дека нема да го одигра веќе закажаниот натпревар на ден 11.04.2015 година против КК Карпош Соколи 2000, се вели во соопштението од КК Работнички.