Со убаво и паметно организирање на ентериерот, просторот во малите спални соби може да се претвори во прекрасно катче од станот, каде ќе се минува времето за одмор.
Врз амбинетот во спалната соба големо влијаение има лустерот, чиј правилен избор придонесува за единствено чувство на удобност. При изборот на лустер може да се користат и правилото „направи сам“, со што може да му се дадат единствени и лични карактеристики.
Во самата спална соба може да се направи работно катче, при што за заштеда на простор идеални се висечките работни маси, кои заземаат помала површина и воедно се и поветини од класичните.
Доколку пак се решите за работна маса што ќе стои „цврсто на земја“, наместо да виси, тогаш можна е варијантата на нејзина двојна намена и како работно биро и како ноќна масичка. Со ова се заштедува на пари и простор и се добива елегантно катче крај креветот.
Покрај како ноќна масичка, работната маса може да се користи и за место за служење „појадок во кревет“.
Кога сме кај креветот, тој мора да биде место што нуди чувство на топлина, удобност и сигурност, затоа од клучно значење е неговиот избор и уредување.
За љубителите на „читање пред спиење“ иделно е поставувањето на ѕидни полици за книги над креветот, со што омилените книги секогаш ќе бидат на дофат на раката.
