Претседателот на Собранието на Република Македонија, Трајко Вељаноски денеска е во официјална посета на Словачката Република на покана на неговиот колега, претседателот на Националниот совет на Република Словачка, Павол Пашка.
Во состав на собраниската делегација е и претседателот на групата за соработка на Собранието со Парламентот на Словачка, Соња Мираковска.
Во рамки на официјалната посета, претседателот Вељаноски покрај средбата со домаќинот Павол Пашка, ќе оствари средби и со други претставници на државниот врв.
Ова е прва официјална посета на претседателот на Собранието на Република Македонија, Трајко Вељаноски на Словачката Република.
