Претседателот на Македонската кошаркарска федерација (МКФ) Даниел Димевски со соопштение до медиумите се обрати и појасни дека нема да се кандидира на следното собрание на МКФ кое ќе биде изборно.
– Во целокупната моја 10-годишна кариера како предводник на Македонската Кошаркарска Федерација, сета своја енергија, ентузијазам и посветеност ги ставав во функција на сесрдна поддршка на клубовите и на македонската репрезентација, како најсветиот дел од македонската кошарка. Во овие драматични моменти за иднината токму на македонската репрезентација, во пресрет на Евробаскетот во Хрватска, како човек кој чувствува дека е еден мал, но сепак нераскинливо сврзан дел со нашата репрезентација, впрочем како што било и секогаш во добро и зло, со овој личен чин сакам да направам се што е во моите можности да спречам едно црно сценарио за иднината на македонската кошарка, се наведува во соопштението.
Изборното собрание на МКФ е закажано за 27 април.
– Доследно почитувајќи ги Актите, сочувувајќи го интегритетот на МКФ како основен приоритет, на демократски начин со тајно гласање, што согласно Деловникот е дискреционо право на Претседателот за изборот на начинот на изјаснување, членките на МКФ ќе можат да го изберат идниот предводник помеѓу повеќето кандидати кои ќе достават свои програми и визија за иднината на македонската кошарка. Јас лично не планирам да се кандидирам по четврти пат, но тоа не значи дека се повлекувам од македонската кошарка, нведува Димевски во соопштението.