Томо Ходај е именуван за нов шеф на Интерпол Тирана, јави дописникот на МИА од албанската престолнина.
Веста доцна синоќа ја пренесоа албанските медиуми, повикувајќи се на полициски извори.
Ходај е вработен во канцеларијата на Интерпол Тирана. Претходно повеќе години бил во служба на граничната полиција и има чин комесар.
Томо Ходај доаѓа на местото на Артан Бајрактари кој заедно со агентката Лорета Ала беа притворени под сомнение за злоупотреба на службената положба, односно прикриле информации дека пратеникот Марк Фроку во Белгија бил осуден на затворска казна заради убиство, со што му било овозможено да стане пратеник.
Бајкаратари и агентката Ала, вчера доцна попладне биле пуштени од притвор со право да се вратат на нивните работни места.
Адвокатот Ардиан Виша изјави дека нема покренато обвинение ни кон Бајракатари ни кон Ала, бидејќи против пратеникот Марк Фроку нема никаква меѓународна потерница за негово асење.