Загрижен за состојбите во Сирија, специјалниот пратеник на Обединетите нации и Арапската лига Кофи Анан, изјавил дека земјата се движи кон војна која содржи верски елементи.
„Од ден на ден се повеќе се зголемува можноста состојбата во Сирија да излезе од контрола и да започне отворена војна со алармантна верска димензија“, предупредил Анан на состанокот со членовите на Арапската лига, која заедно со ОН, го подржува мировниот план за запирање на воените насилија во Сирија.
Сириската опозиција оценила дека Русија требала да издејстува и да го повика претседателот Башар ал Асад, да се повлече од функцијата.