Земјотресот со интензитет од шест степени според Рихтеровата скала го погоди денеска северниот дел на Чиле, соопшти американскиот Геолошки институт.
Земјотресот се случил на длабочина опд 109 километри, на околу 40 километри североисточно од градот Калама.
Засега нема информации за евентуални жртви или за причинета материјална штета.
Земјотрес со интензитет од 6,1 степен според Рихтер го погоди вчера централниот дел на Чиле, при што високите згради во главниот град Сантјаго се тресеа речиси една минута, но немало уривања.
Засега нема информации за евентуални жртви и причинета поголема материјална штета.
Според Геолошкиот институт на САД, епицентарот на потресот се наоѓал во пристанишниот град Сан Антонио, на околу 180 километри северозападно од главниот град. Не е објавено ниту предупредување за опасност од цунами.
Во катастрофалниот земјотрес со интензитет од 8,8 степени, проследен со цунами, кој го погоди Чиле во 2010 година, загинаа 551 лице, беа разурнати 220.000 домови и уништени кејови, пристаништа и приморски туристички центри, причинувајќи штета од 30 милијарди долари.
