Реката Слупчанка се излеала од своето корито на подрачјето на општина Липково, во Опае, Оризаре и Липково при што поплавила помали земјоделски површини информираат од Регионалниот центар за управување со кризи.
Зголемен е и водостојот на реката Пчиња во општина Старо Нагоричане, но, засега РЦУК не регистрира излевања.
На подрачјето на општина Куманово синоќа наврнаа 12,8 литри дожд на метар кавдратен, информираат од Регионалниот центар. Оттаму објаснуваат дека оваа количина на врнежи не може, а и не предизивика излевање на реките во оваа општина.