Луфтханза: Падот на авионот на „Џерман Вингс“ е најужасно нешто во историјата на нашата компанија

Од:

Одлуката на вториот пилот намерно да го урне авионот на нискобуџетната компанија „Џерман Вингс“ во француските Алпи е најужасен настан во историјата на нашата компанија, изјави денеска извршниот директор на компанијата мајка „Луфтханза“, пренесува ДПА.

Карстен Шпор изјави дека дејствијата на вториот пилот оставаат без збор, додавајќи дека по инцидентот не може ниту да замисли дека работите би можеле да бидат уште полоши.

Шпор потврди дека вториот пилот го пристинал копчето „заклучено“, кога капетенот сакал да се врати во пилотската кабина.

– Авионот располага со два кода за вратата. Едниот е нормален, а вториот за итни случаи, ако од внатре нема одговор на барањето за влез. Има еден супер код што може да биде внесен. Но, тоа може да биде спречено, ако лицето во кабината го притисне копчето „заклучено“ кога ќе ѕвони за влез во кабината, изјави Карстен Шпор.

Според Шпор или капетанот не го внел супер кодот, што е тешко веројатно, или тој го внел, но вратата била блокирана од внатре.

На прес-конференција во Келн Карстен Шпор истакна дека какви мерки за безбедност и да има една авиокомпанијата, колку и да се строги нејзините процедури, ништо не може да спречи таков изолиран акт. Според шефот на „Луфтханза“ дејствијата на пилотот не би можеле да бидат спречени од ниту еден систем во светот.

Шпор, нагласи, дека засега нема никакви индикации за мотивите на пилотот, кој го урна авионот со вкупно 150 лица во него во француските Алпи, на 100 километри северно од Ница.

Би можело да ве интересира

ВИДЕО: Драма во авион: Луѓето паѓаа во бесознание

„ИзиЏет“ ќе ја прекине авиолинијата меѓу Женева и Скопје

Горан Наумовски

Авион влетал во бура која целосно го оштетила носот на авионот – успеал да слета во Виена

Анита Петровска Рајковиќ

Хрватска: Мал авион ја промаши пистата на Хвар и удри во луѓе

Драма на небото: Авионот влетал во силни турбуленции, неколкумина повредени

(ВИДЕО) Детали за авионската несреќа кај Загреб: еден мртов, четворица повредени

Катерина Ѓуровски