Во присуство на претставници на субјектите кои се дел од Системот за управување со кризи денеска се одржа Седница на Главниот штаб за управување со кризи.
– На седницата беше разгледан и усвоен Деловникот за работа на Главниот штаб за управување со кризи, а посебен акцент беше даден на научените лекции од справувањето со поплавите во јануари-март годинава, соопшти Центарот за управување со кризи.
На оваа седница биле донесени заклучоци кои се однесуваат на зајакнувањето на меѓуресорската координација и соработка на национално и локално ниво и за потребата од усогласување на Оперативните планови на водостопанските претпријатија и на општините со Проценката на загрозеноста на општините од поплави.