Министерката за култура во хрватската Влада Андреа Златар Виолиќ на премиерот Зоран Милановиќ му ја врачила својата оставка, а како што пренесува Хина, се очекува тој да ја разреши во текот на денот.
Оставката доаѓа откако Државната ревизија утврди дека од сметката на Министерството е повлекувана готовина без соодветни сметки и оти парите подоцна се враќани во рати.
Виолиќ е од Хрватската народна странка, коалицискиот партнер на СДП, а од ХНС најавија дека за неа имаат подготвено замена.