Претседателот на Јемен побара вчера од Советот за безбедност на Обединетите нации да ја поддржи воената акција на земјите, кои сакаат на неговата Влада да и пружат воена помош во борбата против шиитските милиции, кои контролираат голем дека од северот на земјата и напредуваат кон југ.
Во писмото јеменскиот претседател Абд Рабо Мансур Хади, 15-членото тело на ОН го повика да усвои резолуција, која ќе им одобри на коалициските војници да му помогнат на Јемен и да им пружат поддршка на легитимните власти.
Во писмо на Хади се наведува дека поддршката би ги подразбирала сите средства и мерки заради заштита на Јемен и одбивање на агресијата на шитските милиции, хути.
Јеменскиот претседател побарал резолуцијата да биде усвоена врз основа на Главата Седум од Повелбата на ОН.
Хади во писмото побара и од шестчлениот Совет за соработка на заливските земји и Арапската лига воено да интервенираат и да го заштитат Јемен и јеменскиот народ.
Шиитската милиција ја презеде контроката во Сана во септември и оттогаш инсистира да го прошири своето влијание надвор од главниот град, а Хади побегна во февруари од Сана во родниот град Аден, во јужниот дел на земјата.