Бугарија дозволи на нејзина територија да биде отворен нов команден центар на НАТО за да се обезбеди источната граница на тој сојуз против евентуална руска „агресија“.
Тоа е еден од шесте центри кој ќе биде поставен со цел да се формираат сили за брза интервенција од 5.000 војници. Пет други нови командни центри треба да бидат во Полска, Романија и балтички држави.
Бугарија забрани нејзината армија да биде под меѓународна команда, но парламентот денеска усвои амандман со кој се отфрла таа пречка. Половина од вработените во тој центар ќе бидат Бугари. Новиот центар за врски на НАТО во местото Горна Малина, на 20 км. источно од Софија ќе биде отворен во крајот на годината.