„Форумот на жени при Општинската организација на СДСМ од Прилеп го одбележува Меѓународниот ден на жената, 8-ми Март, во духот на солидарноста и хуманоста.
Денес, во очи празникот на жената, организираме хуманитарен настан за собирање финансиска помош за нашите сограѓани од селата на прилепскиот дел на Пелагонија, кои претрпеа огромни и тешко надоместливи штети од неодамнешните поплави“, изјави Силвана Белушанец.
„Со ваквиот чин, испраќаме порака на хуманост до жителите од овие села и порачуваме, дека ние жените стоиме рамноправно со припадниците од другиот пол, во справувањето со проблемите и предизвиците кои се исправени пред сите нас подеднакво.
Истовремено, уште еднаш сакаме да потсетиме на вистинското значење на 8-ми Март, како ден на борбата за рамноправност и еднаквост на жената во општеството, а не како ден на понежниот пол“, рече Силвана Белушанец.
