Обвинетите во случајот „Детонатор“ денеска ќе се соочат со Драган Стоименов од Кочани, кого, според обвинението, се обиделе да го убијат три пати.
Дел од обвинетите се товарат дека двапати му подметнале експлозивна направа под автомобил, а една дека му впериле пиштол во глава.
Стоименов денеска треба да се појави на судското рочиште и да сведочи што точно му се случило. 
Сите обвинети кои се товарат за обидот за убиство врз Стоименов, пред судот тврдеа дека немаат врска со него, а првообвинетиот Игор Горански тврдеше дека токму Стоименов го нападнал во неговата дискотека во Виница, а некои дури тврдеа дека со Стоименов биле пријатели.
Во судскиот процес „Детонатор“ им се суди на вкупно 16 лица од Виница, Кочани и Штип, двајца од обвинетите се во бегство.
Обвинителството ги гони за обид за убиство, злосторничко здружување, перење пари, затајување на данок, лихварство, насилство и измама.