Британскиот новинар Тристан Редман, од катарската телевизија Ал Џазира, кој без дозвола управуваше со дрон над Париз, каде неколку ноќни летови на беспилотни летала над клучни објекти ја активираа полицијата, е осуден на парична казна од илјада евра.
Беспилотното летало му било конфискувано. Тристан Редман (34) и двајца негови колеги беа приведени на 25 февруари, откако го пуштиле дронот над Булонската шума. Само Редман беше изведен пред суд, додека другите двајца беа ослободени.
Дронот му бил доставен од редакцијата на телевизијата во Лондон.
Летовите на дронови без дозвола се забранети во Париз.