Општина Струмица има потенцијал, Руската федерација потреба, а двете страни заедничка желба за соработка, особено во економијата, ова е заедничкиот заклучок од средбата на градоначалникот на општина Струмица, Зоран Заев и амбасадорот на Руската Федерација во Македонија, Олег Николајевич Шчербак што се одржа денеска во Струмица.
Пристигнавме во Струмица за да се запознаеме со потенцијалот на струмичкото стопанството кое има важна улога во економијата на Република Македонија. Ние сметаме дека ќе успееме да ги прошириме врските меѓу нашите народи не само во традиционалните, туку и во нови област. Се надевам дека по средбата со раководството на регионот ние ќе најдеме нови можности за интензивирање на економската соработка. Струмица е град кој се развива многу динамично и мислиме дека тука има голем потенцијал за нашата билатерна соработка, рече амбасадорот на Руската Федерација Олег Николајевич Шчербак. За домаќинот, градоначалникот на Струмица Зоран Заев, економскиот белег на средбата има големо значење.