Корисниците од улицата „Бел Камен“ во општина Центар утре од 9 часот ќе останат без вода за пиење.
Како што информира Регионалниот центар за управување со кризи на Град Скопје, причина за прекинот во водоснабдувањето е отстранување на уличен дефект на водоводна цевка со пречник од 80 милиметри на улица „Бел Камен“ број 4, а потрошувачите ќе бидат без вода за пиење се до завршувањето на интервенцијата од страна на екипите на ЈП „Водовод и канализација“.
Утре од 9:30 часот до завршување на работите без вода за пиење ќе бидат и корисниците од улицата „Костурски Херои“ во општина Центар. Причина за прекинот во водоснабдувањето е изведување водоводен приклучок со пречник од 150 милиметри на улицата „Костурски Херои“ бр. 58.