Тројцата новинари на катарскиот информативен канал Ал џазира, кои беа уапсени вчера во Булоњската шума во Париз, поради недозволено управување со дрон, се ослободени, јави дописникот на МИА од Париз.
Првиот од новинарите управувал со дронот, вториот снимал, додека третиот гледал, појасни еден полициски извор,
Идната недела пред судијата ќе се појави само пилотот на дронот, за да ја слушне својата пресуда, бидејќи при истрагата тој ја прифатил забрзаната постапка признавајќи ја вината. Против другите двајца новинари не е покрената истрага.
Нивното апсење се случи во моментот, кога француските безбедносни служби се обидуваат да дознаат кој пилотира и кој стои зад недозволените прелетување на чувствителни објекти во Париз, меѓу кои Елисејската палата, амбсадата на САД и Ајфеловата кула.