Екипите на МЗТ Скопје Аеродром и Работнички ја оправдаа улогата на фаворити во дуелите со Гоце Делчев и Струмица.
Скопските екипи славеа очекувани победи во натпреварите од 14.коло во Првата македонска кошаркарска лига, одиграни попладнево во Штип и Скопје.
На средбата во Штип, шампионот МЗТ Скопје Аеродром го совлада тимот на Гоце Делчев со 88:73 , додека во салата на „Градски парк’’ во Скопје, Работнички беше убедливо подобар од Струмица со 103:59.
Од ова коло минатата среда се одигра натпреварот Водњански лисици – Кожув 77:100, додека последниот натпревар меѓу Фени Индустри и Куманово ќе се игра на 4 март.
Табела: Работнички 21 бодови, МЗТ Скопје А. 21, Карпош Соколи 20, Фени Индустри 20, Куманово 19, Кожув 18, Гоце Делчев 16, Струмица 16 и Водњански лисици 14.