Го упропасти јавното здравство, младите лекари гледаат што побрзо да си заминат од оваа земја, ги тераат да пополнуваат административни документи, а не да се грижат за пациентите.
Пациентите знаат дека во јавното здравство не можат да добијат квалитетна услуга, дека не можат да си го дозволат своето здравје, беше речено на денешниот протест за оставка на сите одговорни за смртта на Тамара Димовска од Велес.
– Едно мало девојче го изгуби својот живот поради нивни бирократски игри. Да, Никола Тодоров беше загрижен и загрижен даваше изјави, ама загрижен беше за својата фотелја, а не дека умре едно мало девојче. Срамота! Тој човек нема морален интегритет да биде на чело на здравството.
Никола Тодоров нема вечно да бидеш министер, како ќе те гледаат луѓето кога веќе нема да бидеш министер, каде ќе се скриеш? Дали си човек или робот, рече Здравко Савевски од „Солидарност“.