Се’ поголем е бројот на граѓани кои се приклучуваат на протестниот маршот за оставка на одговорните за смртта на малата Тамара од Велес.
Луѓе потресени од трагедијата на семејството Димовски, со многу емоции спонтано се приклучуваат на маршот, по улиците од каде што поминуваат демонстрантите.
Демонстрантите носат транспаренти на кои пишува „Само монструми калкулираат со човечки животи“, „Ја убивте Тамара“, „Кампања – убиваме деца – нарачател Влада на Република Македонија“.
Присутните на маршот во рака држат црвени картони. Според нив, оставката на директорката на ФЗОМ, Маја Парнарџиева Земјкова, не е доволна, затоа што одговорноста опфаќа повеќе институции и луѓе.