Стручното жири на „Струмичкиот карневал 2015“ денеска во Центарот за култура „Антон Панов“ ги објави првонаградените маски во повеќе категории.
Маските „Ловци на соништа“ од СОУ „Јане Сандански“, „Каревјанци“ од СОУ „Никола Карев“ и Рингишпил“ од СОУ „Димитар Влахов“ ја делат првата награда во категоријата групна маска со над 50 учесници во износ од 700 евра
Во категоријата Б каде бројот научесници е од 20 до 49 прва награда освои маската „Божествена комедија“, а втората награда ја делат маските „Патот на свилата“ и „Арлекин“.
Најдобри во категоријата од 10 до 19 учесници се прогласени маските,„Зелени дијаманти“, „Кралски Шкорпии“ и „Етнофутуризам“ кои ќе добијат по 150 евра
Во категоријата мала група – слободна тема наградени се маските „Рогато племе“ на Цветко Багашевски, „Лазаренки“ на Слободан Ангелов и „Девојките од Индија“ на Маја и Мафија.
„Кошарот Рамче“ на Тони Стаменов, „Планинска убавица“ на Аце Багашевски се најдбори поединечни маски, а „Храброто глувче“ е прво во категоријата изворна тема.
Иван Јовев, член на жирито информира дека на интернационалната карневалска маска учествувале 52 групни и поединечни маски, од кои 23 биле гости од карневалските градови и не учествувале во натпреварувачкиот дел.
Организацискиот одбор на карневалот доделил и шест стимулативни награди на маските „Танцот на пингвините“, „Аура на бесмртноста“,„Танцот на куклите“, „Масони“ и „ГМО моркови“.
Наградите ќе бидат доделени утре по традиционалното карневалско корзо на кое со неформална парада повторно ќе продефилираат наградените маски.
Во рамките на карневалските празнувања денеска се дели бел граф, а вечерва ќе бидат доделени наградите на годинашните добитници на Интернационалниот фестивал на карикатури и афоризми.