Најдобриот македонски тенисер Томислав Јотовски направи нов скок на АТП листата и го подобри својот ранг за две места и сега се наоѓа на 540.место, што е негов најдобар ранг во кариерата.
Јотовски во моментов не настапува на турнири по санирањето на повредата и тренира во Скопје, но 60. поени му овозможија напредок.
Во двојки Јотовски е на 709.место.
Димитар Грабул остана на 667.место (37 поени), додека другите тројца македонски тенисери кои имаат ранг имаат мал пад: Стефан Мицов – 1.308. место (5 поени), Бесир Дургути – 1.310.место (5 поени) и Шендрит Деари 1.394.место (4 поени).
Најдобрата македонска тенисерка Лина Ѓорческа се наоѓа на 398.место на ВТА листа, додека во двојки е на 357.место.