Хрватот Иво Карловиќ го освои трофејот на турнирот во Дерлеј Бич и влезе во историјата на тенисот како најстар играч кој успеал да победи во финале во последните 26 години.
Во финалето 36-годишниот Карловиќ со 2-0 во сетови беше поуспешен од Доналд Јанг и со тоа го наследи легендарниот Џими Конорс кој во далечната 1989 година го освои трофејот во Тел Авив на 37 години.
– Неверојатно чувство! Пресреќен сум што играм во ваква форма на оваа возраст. Трофејот ми дава уште поголем мотив за следните настапи, изјави хрватскиот тенисер.