Градоначалничката на Париз, Ан Идалго најави дека на 12 март во францускиот главен град ќе се одржи конференција, посветена на прашањата за борба против тероризмот, на која ќе присуствуваат претставници на светски и на религиозни институции.
– Оваа конференција може да биде местото, на кое ќе дојдат градоначалници од повеќе градови, а кои се соочуваат со истите проблеми со тероризмот, истакна Идалго, нагласувајќи дека на форумот е поканет и градоначалникот на Копенхаген, Франк Јенсен.
Идалго денеска го посети данскиот главен град за да изрази сочувство со данскиот народ по нападите за време на викендот.
Франција распореди околу 10.000 војници за обезбедување на јавните места и вработува нови луѓе во разузнавачките служби по нападот на почетокот од минатиот месец.