Не знам зошто си разочаран? Мојата Тамара ја нема веќе. Зошто? Уште пред три години во Велес јавно те молев да ме примиш, да те запознам со случајот на Тамара и до ден денес не нè прими иако знаеше дека те чекам пред Министерството. Тамара имаше болки, молеше за помош, ама ти не најде време да нè примиш и да нè сослушаш и затоа немаш одговорност“, напиша на својот профил на Фејсбук, Жаклина Димовска, мајката на Тамара, откако министерот за здравство Никола Тодоров изјави дека бил разоќаран по смртта на деветгодишното девојче но и дека не чувствувал одговорност. Тодоров кажа дека направил се што можел.
Тамара која имаше деформитет на рбетот чекаше согласност да биде оперирана на државен трошок. Претходно беше одбиена да се лекува на државен трошок, а власта го смени мислењето по силниот притисок од јавноста.