Жителите на населеното место Габрово во општина Струмица, ќе добијат чиста и квалитетна вода за пиење. Согласно, општинската програма за подобрување на водоснабдувањето во населените места, во тек е изградбата на филтер станицата за третман на водата за пиење.
Оваа станица која е со капацитет од шест литри вода во секунда, се гради по најсовремени стандарди за таков тип на објекти.
Според планираната динамика на изведување на градежните работи, до 15 ноември оваа година, филтер станицата ќе биде ставена во функција и со тоа конечно и целосно ќе се решат проблемите на жителите од ова населено место со водата за пиење. Изградбата на филтер станицата чини 2.023.322 денари.