Екипата на Фени Индустри го доби дербито на 12. коло на Првата кошаркарска лига откако славеше над Кожув со 82:71 (22:17; 15:17; 22:22 и 23:15). Решавачката предност кавадарчани ја остварија во последната четвртина. Адам Кемп со 21 поен и 15 скокови беше најдобриот играч на теренот.
На двата вчера одиграни натпревара постигнати се следниве резултати: Гоце Делчев – Работнички 64:81 и Куманово – Карпош Соколи 89:84. Натпреварот Водњански лисици – МЗТ Скопје Аеродром се игра на 11 февруари, а екипата на Струмица е слободна во ова коло.
Табела: Фени Индустри 19 бодови, Работнички 18, Куманово 18, Карпош Соколи 18, Кожув 16, МЗТ Скопје 15, Струмица 13, Гоце Делчев 13, Водњански лисици 10.